يا رب بلاي عشقيله قيل آشينا مني

كئفي سازلار بنزي مي نيب كئف سورور

يازيق كاسيب اششه يي ده زور سورور

سه س وئره نين دريسيني اوزدورور

هانكي چاغدا ياشاييريق بيلميره م

...

آي منه من آيا باخاندان بري

دويقولار ايچينده غم منيم اولوب

 گؤزياشي گؤزومده ن آخاندان بري

 يالنيزليق آمانسيز هم دميم اولوب

 آي منه، من آيا باخاندان بري

نغمه له ر قوشموشام قايداسيز، يؤلسوز

 شعيرله ر يازميشام باشسيز و سؤنسوز

 دويقولار دنيزيم اوجسوز بوجاقسوز

 آي منه، من آيا باخاندان بري

«نئجه درك ائيله مي سن»

ائيله ييب سن مني شان شان نئجه درك ائيله مي سن

قلبيـمي ياش، گوزمو قان نئـجه درك ائيـله مي سن

گئجـه لر من داراييرديم، سنين اؤ تـلـلريني

سن اؤلوبسان منه سؤلطان نئجه درك ائيله مي سن

گئجه لر له دانيـشيب، من سـحره قهر ائله ديم

مني گؤندوزده ياخيرسان نئجه درك ائيله مي سن

بوراخيب سنده گئـديرسن، مني يالـنيز قؤيوسان

منه چؤخ آغيردي هيجران نئجه درك ائيله مي سن

دئـمه مجنونه دلي، بلـكه ده ليـلا ده لي دير

سنه عاشيقدي زامان، نئجه درك ائيله مي سن

منه سن سؤيله مه ديلبر يانمازام عشق اؤدونا

(سوزمه ن)ه ائيله مه پؤنهان نئجه درك ائيله مي سن

«گؤونسيز عشق»

توتما هرگؤل دامنينده ن، گئمه هرشمع دؤرينه

آغلاما سن آيريلـقدان دؤزگؤنـن يا جـؤرينه

ياندريرهردم سني،هئچ بئير زامان گؤرمورسني

گل بؤراخ سن شمع اؤلوب، يانما يالان پروانيه

ياكي واز گئچ باغلاما عهد وفا بئير شمعه سن

آغلادار اؤز نورينه،هئي فرلادار اؤز دؤرينه

چؤخ چتيندير شمع يانا پروانه اچون هرلحظه،دم

گرساتار شمع صورتين بئير جوت پر پروانيه

آخير اي بؤلبؤل گؤونمه، چؤخ باغيرما عشقيده ن

گؤل سنين فرياده عاشيق،گئتمه سن تئز بؤرينه

(سوزمه ن)ي هردم ياخيب ياخشي، يامان معشوقه لر

عشق باغلار قؤل قاناد سن چؤخ گؤونمه زؤرينه

«قؤجا مست»

اي نازلي گؤزه ل كؤنلومي بئيل خسته دي،خسته

عؤمرون گئچه جه ك سنله قالان بئير قؤرو بسته

اؤ چشـم خؤمارين  هوه سين ائتـمه كـي  اي يار

بئير گؤن گئده جك، اؤندا قانار قلب شيكسته

سن سؤيله مه كي عشق اؤدونا يانمايان اؤلماز

گرعشق اؤدونا يانماسا كيم باغليدي حبسه

هركس توتولوب هم دم اؤلوب عشقيله بئيردم

درده ن باغريب آه ائديب اؤبئير اؤجا سسله

يارب نه دي عشقين ياجاق سحريله، سيرري

مجـبور ائـدير اينـسـاني دئـيه شعـريلـه بسته

آخير كي ائـديم مـن اؤزومو سا قيـه مهـمان

تاعرض ائله ييم درديمي من بئير قؤجا مسته

بلكه اؤلا (سوزمه ن) سنيـن اؤ دردينه درمان

بئير شيشه ي مئي بئيرده گئنه جام شيكسته

(يئدينجي گؤي)

گئنه ياندردي مجنوني، سنين زؤلف پريشانين

گئنه سالدي نظر گؤزلر،سنين ديوانه ي خالين

شب هيجران ساچين ورسا،سحرچيخسا بئيرآششاره

داخي يانماز دلي مجنون،گؤره ر ليلانين هر حالين

فلك چكسه الين بئير آن، يانان كؤنلوم ده پيكانه

داخي دينمه ز بؤدرد دل،ائيشه گلمز اؤدرمانين

دل بيچـاريه هردم دئمه گئـت، گه لمـه ديداره

سالار چؤلرده مجنوني، ائده ر ديوانه هيجرانين

سحرسالسا بئيرآن چشمون، چكيلسه پرده ي ظلمت

قاچار دؤزمه ز ده لي كؤنلوم، قؤيار ويرانه زندانين

ائده بئير آن نظر معشوق، وئره مئي ده ن ده مجنونه

گئچه ر يئدينجي گؤيلر ده ن، گؤره ر ساقيله مهمانين

دئمه مجنونه اي (سوزمه ن)، سن ايچدين بئير شراب ناب

كي اؤلسا عشق ليلالر،ائشـيتمه ز عقـل فرمانيـن

^{«ذوقوم داشير»}

^{گر نظرائتسم سنه دؤنيا وعالم هئچ نه دير}

^{بيلميره م حالين زمانين بؤ زاماندا گئچ نه دير}

^{قؤي گليم ديداريوه قؤربان ائديم بؤجانيمي}

^{سؤز وئريرسن باخاسان؟ بيمارائديم بؤ حاليمي}

    ^{قؤي ائديم قاني شراب هئچ لذذتينده ن دؤيما سن}

^{عكسيني بئير آيري جامه ياديگاره قؤيما سن}

^{بئيربوراخ چنگ ائيله ييم،زؤلفونده بئير چرخ ائيله ييم}

^{ياچاليم آهنگ عشقي، عشقيده ن سؤز سويله ييم}

^{ايذن وئر گؤزلر قاماش سين صورته گؤن سانيوه}

^{گرساتار شمع صورتين، بئير جوت پرپروانيه}

^{بؤگئجه ذؤقوم داشير بئير دم قلم فيكر ائيله مير}

^{هئي قاچير بئير دم دوراندا يار آدين ذيكر ائيله يير}

^{(سوزمه ن) آرتيق ايسته يير عشقيله قالخيزسين الم}

^{ايسته يير چكسين دئيش سين جوهر جان وقلم}